Gent Strazimiri, deputet i Partisë Demokratike, deklaroi sot se, kryebashkiaku i Durrësit Vangjush Dako duhej të ishte arrestuar “live”, në studion televizive, ku ai bëri deklaratat e fundit të bujshme.
Deputeti i PD Gent Strazimir tha nga selia e PD-së se, “Dako, ka disa faqe përgjime, ka disa telefonata me bandat e Durrësit, me të cilat bën pazare për blerjen e votave në këmbim të pasurive pasurive. Përgjimet telefonike janë vetëm fillimi, as 1% e aktivitetit kriminal të Vangjush Dakos. Përgjimet faktojnë se një ditë para zgjedhjeve, bandat e shtabit elektoral të Ramës kanë blerë vota për tepsinë e Ramës. Përgjimet faktojnë se një ditë pas zgjedhjeve, Dako ka komunkuar sërish me bandën e Avdulajve, duke kërkuar takim me shefin e bandës për ta falenderuar”.
“Vangjush Dako duhej të ishte arrestuar LIVE, por kush e bllokoi arrestimin? Kamikazet e Ramës në prokurori nuk përgjigjen. Dako sot duhet të ishte në burg njesoj si Arben Ndoka dhe Arben Çuko. Ata janë pjesë e dosjes 339”, shtoi ligjëvësi demokrat.
