Kujdes neper spitale, mos i besoni gjithkujt. Mashtruesit nuk pyesin per hallin tuaj. Një 32-vjeçar është dënuar nga Gjykata e Tiranës me 10 muaj burg, pasi akuzohet se ka mashtruar një të sëmurë në Spitalin Ushtarak të Tiranës. Sipas vendimi që disponon Bold News, rezulton se Ylli Troci është me banim në Laknas-Tiranë është ndodhur në ambientet e Spitalit Ushtarak.
Në këtë spital ishte dhe kallëzuesja Nexhmie Gashi, e cila kujdesej për bashkëshortin e saj të sëmurë, Zemrit Gashi, i cili ndodhej i shtruar në një nga dhomat e Spitalit të Traumës, pikërisht në katin e tretë. Më datë 07.10.2015, rreth orës 18:10, në dhomën e të sëmurit Zemrit Gashi, në të cilën ndodhej e dëmtuara Nexhmie Gashi, shkon i pandehuri Ylli Troci, i cili i ka kërkuar ndihmë kallëzueses Nexhmie që ta ndihmonte me një karikues telefoni të tipit Samsung. E dëmtuara ka ndihmuar të pandehurin duke i vënë telefonin në karikim.
Bashkëshorti i kallëzues, shtetasi Zemrit Gashi ka pyetur të pandehurin se pse ndodhej në spital. Troci i është përgjigjur kallëzueses dhe bashkëshortit të saj duke i gënjyer, se ishte nga qyteti i Kukësit dhe se kishte të shtruar në spital nënën e tij, e cila ishte nën kujdesin e një mjeku me emrin Ilir Kaja dhe se ky mjek i kishte kërkuar lekë të cilat duhet t’ja jepte shumë shpejt, dhe se atij nuk i ndodheshin lekë shqiptare por vetëm euro.
I pandehuri ka pyetur dhe i ka kërkuar kallëzueses nëse mund ta ndihmonte duke i dhënë shumën 25 000 lekë, sa të mbaronte punë me doktorin, për t’i dhënë lekët, dhe se i pandehuri do t’i linte garanci 150 eurot deri në momentin që t’i kthente lekët dhe të merrte eurot. Në këto kushte kallëzuese Naxhmie Gashi, i ka dhënë të pandehurit shumën prej 25000 lekë, dhe ka marrë si garanci tre kartmonedha 50 euroshe. I pandehuri Ylli Troci, sapo ka marrë shumën e lekëve është larguar menjëherë. Nexhmije Gashi ka konstatuar pas largimit të të pandehurit Ylli Troci se tre kartmonedhat prej 50 euro ishin të falsifikuara dhe se nuk kishte asnjë person të shtruar në spital, që ishte me banim në qytetin e Kukësit.
Nexhmije Gashi ka kërkuar ndihmën e një punonjësi të sigurisë për identifikimin e personit që e kishte mashtruar duke i dhënë eurot e falsifikuara.
Në kallëzim ajo ka deklaruar se ai ishte i moshës rreth 30 vjeç, me gjatësi rreth 170 cm, me trup mesatar, pak i dobët, esmer në fytyrë, me hundë të shtrembëruar dhe me kurriz, me dialekt në të folur verior. Pas identifikimit, Mexhmija ka njohur si autor Ylli Trocin. Ai është pyetur në polici, duke deklaruar se “tre kartmonedhat euro të falsifikuara i kishte siguruar tek një shtetas me emrin Gimi, i cili rrinte pranë Bankës së Shqipërisë dhe se këtë shumë të eurove e ka thyer në Spitalin Ushtarak me datën 07.10.2015, duke u paraqitur se më duheshin për nevoja personale. Kam shkuar në spital për të bërë skopi të mushkërive. Jam larguar. Më pas më ka kapur policia dhe i kam shpjeguar se vërtet i kisha eurot por nuk i dija se ato ishin të falsfikuara, dhe se nuk kisha nga ta dija. Kam kthyer dëmin qytetares, e cila u tregua e gatshme të më ndihmonte. Është hera e parë që veproj kështu, dhe jam i penduar”.
