Të jetuarit në Gjermani tashmë është shndërruar në një ëndërr për shumë shqiptar, të cilët e shohin të ardhmen e tyre në shtetin me ekonomi më të fuqishme në kontinent.
Lehtësirat që bënë autoritetet në Shkurt të 2017, ku mjafton vetëm një kontratë punë për t’u zhvendosur në vendin perëndimor, ka bërë që shumë persona të dynden në ambasadë për të caktuar një takim dhe për të marrë vizën.
Deri tani, nuk ka ndonjë statistikë, por kryeministri Sali Berisha u shpreh dje në Abc News, se ka informacione se 24 mijë shqiptarë janë në pritje të marrjes së një vize punë për tu larguar përfundimisht nga Shqipëria.
Megjithatë, kërkesat e larta dhe personeli i kufizuar i ambasadës kanë bërë që marrja e një vize pune të shndërrohet në një sage të vertetë, e cila zgjat nga 6-8 muaj. Fakt që ka ndikuar që shumë shqiptarë të humbasin vendet e punës, pasi është e vështirë që punëdhënësit gjerman t’i lënë të lirë vendet e punës për një kohë kaq të gjatë.
