Gjykata e Apelit ka lënë sot në burg Rexhep Rrajën, pavarësisht se në Gjykatë mbërriti dhe Xhisiela Maloku për të shpëtuar ish-të dashurin e saj.
Në mbrojtjen që bën në këtë seancë avokati ka publikuar dhe disa foto të marra nga një hotel në Fushë Krujë, ku shihen Xhisiela dhe Rexhepi të afërt me njëri tjetrin.
Dhe pse duhet thënë se në asnjë moment në këto foto nuk mund të qartësohet nëse vajza është dhunuar apo jo. pasi pamjet jaën shumë të paqarta.
Ndërkohë që pas lënies në burg të klientit të tij avokati i Rexhepit akuzoi se gjykata ka vepruar nën presion politik dhe mediatik.
“Nën diktatin e politikës gjykata nuk po jep më vendime të drejta. Vepra penale nuk paraqet rrezikshmëri, aq më tepër kur viktima thotë se nuk është kërcënuar”, tha avokati i Rexhep Rrajës.
Pas seancës foli edhe Xhisiela, e cila përsëriti ato që ka thënë në media: “Problemet kanë ardhur për arsye xhelozie, siç e kam thënë edhe më parë. Të gjitha ato që kam thënë në media janë të vërteta”.
