Një 20-vjeccar nga Cërriku që jeton prej vitesh në shtetin fqinj ishte kthyer në familjen e tij për të kaluar disa ditë pushime. Por, ndërsa një mbrëmje ndodhej në një berberhane në Cërrik, u përfshi në një ngjarje ku mbeti i plagosur.
Ngjarja ka ndodhur një javë më parë dhe kishte si shkak një zënkë të vjetër, ku ishte përfshirë vëllai i 20-vjeccarit. Policia arrestoi dy autorët, ndërsa pas marrjes së ndihmës së parë në Spitalin Rajonal të Elbasanit, i riu u kthye në Itali për të marrë ndihmë të specializuar. Motivi sipas të afërmve të tij është fakti se ata nuk kanë besim tek mjekësia shqiptare.
Dy ditë pas ngjarjes ai është transferuar në spitalin “Maurizio Bufalini”.
Mjekët italian tashmë po kujdesen për të pasi ai ka pësuar një thyerje në njërën gjymtyrë si pasojë e plagosjes. 20-vjeçari jetonte në Romagna prej kohësh por ishte kthyer në vendlindje për të takuar të afërmit e tij.
Burimet bëjnë të ditur se djali ishte në një zonë që njihet me emrin ‘Kryqëzimi i Yllit’. Ai ishte me një mikun e tij në momentin që u përballën me autorët dhe më pas filloi përleshja. Shqiptarin e shtruar në Romagna e kishin ngatërruar me vëllain e tij.
