Ish lideri i Al-Kaedës, Osama Bin Laden ka lënë një pasuri prej 29 milion dollarësh pas ekzekutimit së tij, gjatë një aksioni i forcave speciale amerikane në vitin 2011.
Në testamentin e gjetur në shtëpinë e tij në Abbottabad dhe e zbuluar sot nga mediat amerikane thuhet se Bin Laden u ka kërkuar familjarëve të tij, që ti “binden vullnetit të tij”. Ky vullnet kishte të bënte me kalimin e trashëgimisë së tij për “xhihad në emër të Allahut”.
Ndonëse Bin Laden theksonte se paratë ishin ne Sudan, është e paqartë nëse ishin cash apo në asete, ose nëse ato përfunduan në duart e trashëgimtareve.
Bin Laden jetoi per 5 vjet ne Sudan ne vitet ’90 si një mysafir i qeverisë sudaneze. Në nje tjetër letër të zbuluar ai i kërkonte të atit të kujdesej për bashkëshorten dhe fëmijët në rast se ai nuk do te jetonte më, çka tregon se ai i frikësohej faktit se mund ta vrisnin.
“Nëse me vrasin, lutuni per mua dhe vazhdoni te Beni bamirësi ne emrin tim” – shkruante ai.
Frika shkonte deri aty sa Bin Laden dyshonte se një spiun amerikan mund të maskohej si dentist dhe të vendoste mikroçipe tek dhëmbi i gruas së tij.
Në disa dokumenta të tjera kishte vlerësime për progresin e luftës së perëndimit kundër terrorizmit dhe të fushatës ushtarake amerikane në Afganistan.
Në dokumenta ishte planifikuar gjithashtu një fushatë e madhe mediatike për të shënuar 10 vjetorin e sulmeve të 11 shtatorit në SHBA. Por Bin Laden u ekzekutua pak muaj përpara se të përkujtohej tragjedia e rrëzimit të dy kullave në SHBA.
