Futbollisti me kombësi shqiptare, i grumbulluar në të kaluarën edhe me Përfaqësuesen Kuqezi, aktualisht i aktivizuar në Superligën turke me skuadrën e Konyaspor, Alban Meha është pranë një transferimi të mundëhm drejt Arabisë Saudite.
Lajmi bëhet i ditur nga mediat turke. Sipas “Anadolu Bugun Spor”, futbollisti shqiptar ka marrë tashmë një ofertë serioze dhe joshëse nga klubi arab Al Nassr, përgjigja ndaj të ciliës pritet të merret në ditët në vijim. Sipas mediave turke, Alban Meha ka marrë një ofertë joshëse nga klubi Al Nassr, në Arabinë Saudite.
Konkretisht Meha ka udhëhequr skuadrën e Konyaspor drejt vendit të tretë në Superligën turke siguruar një vend në Kupat e Eurpoës, madje duke u kualifikuar edhe në gjysmëfinalen e Kupës së Turqisë. Me 23 aktivizime në 30 ndeshje, të gjitha si titullar, Meha ka realizuar katër gola dhe ka asistuar pesë herë, duke u vlerësuar si protagonist i rëndësishëm në lojën dhe suksesin e Konyaspor.
