Ditën e sotme është zhvilluar seanca gjyqësore e radhës ndaj Fadil Kasemit, personi që vrau para rreth një viti gjyqtaren Fildes Hafizi. Gjatë seancës së sotme është thirrur për të dëshmuar para togave të zeza shoferi që u mor peng nga Fadil Kasemi, pas vrasjes së ish-bashkëshortes së tij, Fildes Hafizi.
Në dëshminë e tij, shoferi Klodian Tafa është shprehur se Fadil kasemi i kishte dalë para makinës me pistoletë në dorë, kishte hipur në makinë dhe i ka kërkuar të ecte duke i thënë: “kam vrarë gruan të vras edhe ty!”.
“Më doli para, kishte pistoletë në dorë. Hipi në makinë dhe më kërkoi të ecja. Po na ndiqte një motor policie. Kasemi më tha, kam vrarë gruan të vras edhe ty. Kalova kryqëzimin poshtë “Xhamllikut” me semafor të kuq. Pas kryqëzimit Kasemi hoqi karikatoren nga pistoleta dhe unë u futa kundravajtje.”, – mësohet të ketë thënë ndër të tjera Klodian Tafa në sallën e gjyqit.
Ndërkohë dëshmita e tij është kundershtuar nga avokati i Kasermit.
