Patrik Cutrone u largua nga fusha në minutën e 34-t të ndeshjes mes Italisë dhe Shqipërisë U-21.
Sulmuesi i ri kishte pësuar një traumë të shoqëruar me ndrydhje në kaviljen e majtë. Pasi la terrenin e lojës për të parandaluar ndonjë përkeqësim të situatës, 20-vjeçari është vizituar nga stafi mjekësor i Milanit.
Në komunikatën për shtyp të kuqezinjve është shpjeguar se lëndimi fatmirësisht nuk është i rëndë dhe se lojtari mund të jetë në dispozicion të trajnerit Genaro Gattuso për ndeshjen e fundjavës, kur kuqezinjtë udhëtojnë drejt Sardenjës për t’u përballur me Cagliarin.
