Lojtari skocez Janson Cummings, do të dënohet nga klubi i tij, Peterborough për marrëzitë që poston në video live në “Snapchat”. Cummings u shpall lojtari më i mirë i muajit gusht për skuadrën e tij ndërsa tani do të dënohet. Dhe e gjithë kjo për shkak të sjelljes së tij.
Ai duket i shfrenuar në videot që ka postuar teksa përplas gjërat që ndodhen në shtëpi duke filluar nga karriget. Më pas ai hedh edhe një televizor në drejtim të dritares dhe arsyeja mendohet të ketë qenë ndarja nga e dashura.
Ndërsa presidenti i klubit është shprehur se do t’i qëndrojnë afër lojtarit për momentin që po kalon, por sigurisht nuk do të shpëtojë pa një dënim nga klubi, për veprimet e pajustifikueshme.
