Dy javë të tmerrshme ka kaluar një grua polake 44-vjeçare e cila u burgos në një kuti plastike ku vendoseshin mollët. Autor i torturës është një biznesmen 53-vjeçar nga Bolzano me të cilin ajo kishte raporte prej 10 vitesh.
Kutia plastike ishte jo më shumë se një metër e lartë dhe përdorej për magazinimin e mollëve nga biznesmeni që kultivonte këtë kulturë. Ai e la në diell gruan dhe gjatë dy javëve i jepte vetëm një kokërr mollë dhe një shishe ujë në ditë.
Për tu mbuluar, vetëm një letër të ruhej nga dielli. Ngjarja shokuese ka ndodhur shumë pranë autostradës Milano-Venecia, afër Veronas. Gjithçka ka ndodhur pasi gruaja i kishte ngritur zërin. Kjo pasi kishte kërkuar të përmirësoheshin kushtet e punës për motrën e saj dhe punëtorët e tjerë në fermë.
“Një skenë trishtuese ishte para syve tanë, kur hapëm atë kuti”, tha Octavia Mossenta, kapitene e policisë në Villafranca.
