Emri i tij u bë i njohur me performacën heroike gjatë Kupës së Botës për Kombëtaren kroate.
Ante Rebic tashmë deklaron se ka patur oferta konkrete dhe mjaft joshëse nga klubet e mëdha pas Botërorit.
Kështu për shërbimet sulmuesit të krahut kanë shfaqur interes edhe “Djajtë e Kuq” të Mourinhos, përkrah Bayern Munchen, Sevillas dhe Tottenhamit.
Mbi transfertën e mundshme drejt “Old Traford” me vlerë rreth 50 milionë euro, vetë Rebic shprehet se ndihet i përkëdhelur nga një mundësi e tillë, sikundër edhe nga lakimi i një sërë klubesh dhe trajnerësh që synojnë shërbimet e tij.
Ecuria ime në Botëror ishte me të vërtetë pozitive, sikundër rezultoi dhe sezoni që lamë pas me klubin e Eintracht. Jam shumë i lumtur që kam krijuar siguri dhe besim, ka ende kohë deri në përfundim të merkatos kur unë do të marr një vendim lidhur me të ardhmen time. Shumë prej operacioneve të merkatos mbyllen pikërisht në ditët e fundit të saj, ndaj për momentin vijoj të mbetem një lojtar i Eintracht”, deklaroi kroati.
