“Të shohim Realin pa Cristiano Ronaldon është një sfidë emocionuese. Por besoj se do t’ia dalim të kemi një skuadër kompetitive, që të luftojë për të gjithë trofetë. Nuk kam dyshime se me këta lojtarë do të ecim sërish në rrugën e suksesit”, ka thënë trajneri i Realit, Julien Lopetegui.
“Kur pranova ofertën e Realit, ai ishte akoma lojtari ynë, por shpejt shprehu dëshirën për t’u larguar. Cristiano është një nga lojtarët më të rëndësishëm të historisë së klubit tonë, ai deshi të ikte dhe Reali ia plotësoi dëshirën, duke u treguar mirënjohës për atë që ka dhënë.
Bale? Jam i bindur se do të na ndihmojë shumë këtë sezon. Ai është një lojtar i jashtëzakonshëm dhe do të shfaqet në versionin e tij më të mirë”, ka theksuar më tej trajneri i madrilenëve.
