Është identifikuar mes viktimave të shkrumbuar nga zjarri që pushtoi zonën e Atikisë pak ditë më parë, edhe aktorja e njohur atje, Hrisa Spilioti së bashku me bashkëshortin e saj, Dhimitri Turnaviti.
Trupi i saj është identifikuar ditën e djeshme, ndërsa lajmi është njoftuar fillimisht nga një mikesha e saj e më pas edhe nga vajza e burrit të aktores, Aliki Turnaviti.
“Dhe perdja ra… fundi erdhi dhe për dy heronjtë e mi. I paharruar qoftë kujtimi i tyre, të jeni mirë”, kishte shkruar ajo në Facebook.
Tragjedia e zjarrit në Athinë shkaktoi vdekjen e më shumë se 90 personave, dhe dhjetëra të lënduar.
