Një punonjës policie është aksidentuar mbrëmjen e sotme në Kuçovë. Një makinë ka përplasur oficerin e policisë Jonuz Vrapi dhe më pas është larguar nga vendi i ngjarjes duke mos i dhënë as ndihmën e parë.
Autori i ngjarjes është Ylli Luka, i cili është arrestuar vetëm 30 minuta më vonë. Ai ishte ndaluar nga punonjësi i policisë, që po i kontrollonte dokumentet.
Por Luka është konfliktuar me punonjësin e policisë dhe më pas e ka goditur me makinën e tij, duke u larguar nga vendi i ngjarjes. Në ndjekje të tij u vunë forca të shumta policie, që e arrestuan 30 minuta më vonë. Ndërkohë efektivi i plagosur është dërguar në spitalin e Beratit dhe po merr ndihmën mjekësore.
