Ish-sulmuesi i Arsenal, Andrei Arshavin, beson se londinezët janë një “klub konservativ”, që humbën një shans të madh për të fituar Premier League në këtë sezon, duke par vështirësitë e gjigantëve si United, Chelsea, Manchester City e Liverpool. Ish-futbollisti i kombëtares ruse, i cili iu bashkua “topçinjve” për 25 milionë euro nga Zenit në vitin 2009, mendon se shumë pak ka ndryshuar në klubin londinez, që kur ai u largua, thuajse tre vjet më parë. “Eshtë një klub konservativ, – tha Arshavin. – Në merkatot e fundit Arsenal ka marrë tre futbollistë të nivele më të larta si Mesut Ozil, Alexis Sanchez dhe Petr Cech. Përveç blerjes së tyre, asgjë tjetër nuk ka ndryshuar në skuadër dhe klub.” Andrey Arshavin mendon se Arsenal ka nevojë për ndryshime rrënjësore
Trajneri i Arsenal, Arsene Wenger, ka 20 vjet në krye të ekipit dhe Arshavin shtoi: “Arsenali ka të njëjtin trajner prej shumë kohësh, të gjitha idetë e tij. E gjithë skuadra dhe klubi varen nga këndvështrimi i Wenger. Nuk mendoj se mund të ketë një ekip më konservativ.” Londinezët janë në vendin e katërt në tabelën e Premier League, 13 pikë larg Leicester City kryesues, kur kanë mbetur edhe pesë ndeshje nga fundi. “Në këtë sezon, Arsenal i kishte të gjitha shanset për të bërë kampion si rrjedhojë e skuadrës që ata kanë dhe për shkak se rivalët kryesorë si Chelsea, Manchester United dhe Manchester City nuk kanë shkëlqyer. Të gjithë ishin të bindur se Arsenal do të luftonte për titull, por tani e shohim që është shumë larg nga Leicester dhe Tottenham,” – deklaroi Arshavin.
Arshavin u ble në vitin 2009 nga Zenit për 25 milionë euro dhe u largua në vitin 2013 Arshavin e filloi karrierën e tij te Arsenal duke shënuar katër gola kundër Liverpool, në barazimin 4-4 në “Anfield Road”. Gjithsesi, disa sezone më pas, rusi u ul në stol dhe në janar 2013 u huazua atje nga erdhi te Zenit i Shën Petërsburgut. Arshavin nuk fitoi asnjë trofe me Arsenal. “Koha ime në Londër ishte shkëlqimi që pata në karrierë, – tha 34-vjeçari që aktualisht luan me Kairat Almaty në Kazakhstan. – Kam kujtime shumë të mira, momente të bukura dhe momente më pak të lumtura, megjithatë e kujtoj me kënaqësi Londrën dhe aventurën te Arsenal. Më vjen keq të prej shumë vitesh gjërat mbeten njësoj, Arsenal del i katërti dhe titulli mungon.”
