Ky është momenti tronditës kur agresori qëllon me armë mbi njerëzit në Toronto të Kanadasë. Një vajzë e re u qëllua për vdekje e 15 persona të tjerë u plagosën si pasojë e sulmit. Ndërsa autori i ngjarjes vdiq në shkëmbim zjarri me policinë.
Në pamjet e publikuara në internet shihet momenti kur sulmuesi i veshur me të zeza dhe me një kapelë i afrohet një ndërtese në Toronto dhe fillon të qëllojë me armë ndaj turmës së njerëzve.
Sipas mediave të huaja, të shtënat kanë ndodhur rreth orës 10:00 të mbrëmjes në Lagjen Greektown të Torontos.
Mediat gjithashtu kanë raportuar se viktimat e të shtënave po trajtohen në spitalet e zonës, njëra prej të cilave, një vajzë thuhet të jetë në gjendje kritike.
Një dëshmitar i cili ishte afër skenës së krimit ka thënë se ai dëgjoi rreth 20 të shtëna, në mënyrë të përsëritur.
