Grabitjet e bizneseve janë mjaft të shpeshta në vendin tonë aq sa lajme të tilla nuk bëjnë më përshtypje. Por, zbardhja e një ngjarjeje në Fier këtë të diel nga policia ka bërë mjaft bujë. Autore e grabitjes këtë herë ishte një femër 31-vjeçare nga fshati Visokë i Mallakastrës.
Bëhet fjalë për shtetasen Anna Malaj e cila grabiti një karburant në fillim të muajit korrik. Ajo ishte ideatorja ndërkohë u ndihmua edhe nga një kushëri i saj.
Ndërkohë, lidhur me ngjarje, punonjësi 70-vjeçar i karburantit është shprehur: “Parkoi makinën pranë karburantit dhe më erdhi me shpejtësi duke më kërcënuar me armë. Ndërkohë, personi që e shoqëronte u nis drejt kasafortës me para”, tha ai.
Gjithçka ka ndodhur në vetëm pak sekonda në atë ngjarje të 2 korrikut. Anna akuzohet për të paktën tre grabitje nga policia. Ajo ideonte grabitjet dhe bashkëpunonte me kushëririn e saj 22-vjeçarin E.G., i cili është shpallur në kërkim, ku në njërin rast arritën ta kryejnë vjedhjen duke marrë 300 mijë lekë të vjetra, ndërsa në dy të tjerat nuk arritën ta çonin deri në fund çka kishin nisur.
