Një 65-vjeçar është gjetur i vdekur në fshatin Mbyet të Fierit. Bëhet fjalë për shtetasin me inicialet A.M., i cili është gjetur i vdekur mbi shinat e trenit, në linjën Fier-Ballsh, e cila prej kohësh është jashtë funksionit.
Për këtë fakt, përjashtohet mundësia që ky shtetas të jetë përplasur nga ndonjë tren. Po ashtu, në trupin e tij nuk janë konstatuar shenja dhune sipas uniformave blu.
Nga veprimet paraprake hetimore të kryera rezulton se 65-vjeçari ka humbur jetën për shkaqe natyrale. Dosja është referuar në prokurori nga ana e policisë për veprime të mëtejshme.
