Vitin e ardhshëm, qeveria kanadeze do të prezantojë projektligjin për legalizimin e marjuanës.
Ka qenë ministër i Shëndetësisë i këtij vendi, Jane Philpott, që ka njoftuar se në këtë mënyrë do të mbajë marijuanën larg duarve të fëmijëve dhe fitimin larg duarve të kriminelëve.
Nëse projektligji do të miratohet, atëherë Kanadaja do të bëhet njëri nga vendet më të mëdha Perëndimore që do të lejojë përdorimin masiv të drogës.
Edhe kryeministri Justin Trudeau ka këmbëngulur në legalizimin e marijuanës gjatë fushatës së tij, ndërsa tani kërkon që nga fjalët të kalojë në vepra.
Megjithatë, ministri Philpott shtoi se ka ende shumë punë në finalizimin e projektligjit që pritet t’i propozohet Parlamentit në pranverën e vitit 2017 dhe deri atëherë do të mbahen shumë takime.
Për rastësi, njoftimi erdhi më datë 20 prill, ditën jozyrtare të hashashit. Aktualisht në Kanada, përdorimi i marijuanës për arsye shëndetësore është i lejuar.
