Një burrë ka ndërruar jetë teksa ishte duke u larë në det. Policia raporton se, ditën e djeshme, te Gjiri i Lalëzit, ka humbur jetën 68-vjeçari i identifikuar me inicialet XH.SH.
Temperaturat e larta në Tiranë e detyruan burrin që të nisej drejt bregdetit, por për fatin e tij të keq nuk u kthye më i gjallë.
Mësohet se ai vuante nga probleme shëndetësore.
Paraprakisht, ky fakt dyshohet se ka ndikuar në ngjarjen e rëndë. /k.k/noa.al/
Njoftimi i policisë:
“Më datë 18.07.2018, tek Gjiri Lalzit, ka ndërruar jetë gjatë kohës që ka qenë duke u larë në det, shtetasi Xh.Sh., 68 vjeç , banues në Tiranë, i cili vuante nga probleme shëndetësore. Materialet i kaluan Prokurorisë pranë Gjykatës së Shkallës së Parë Durrës, për vlerësim”, njoftoi zyrtarisht policia e Durrësit.
