Arbitri që i dha Bayern Munich një penallti gjatë gjysmëfinales së Kupës së Gjermanisë e luajtur ditën e martë me Werder Bremen ka krkuar falje për vendimin e tij. Bayern ishte në avantazh 1:0 në “Allianz Arena” kur, me 20 minuta të mbetura, Arturo Vidal bën një rrëzim të ekzagjeruar duke fituar një njëmbëdhjetëmetërsh.
Për arbitrin Tobias Stiler nuk ka asnjë dyshim, megjithëse përsëritjet tregojnë se nuk ka pasur asnjë kontakt midis mbrojtësit Janek Sternberg dhe Vidal. Thomas Muller e ktheu në gol penalltinë, teksa kampionët e Bundesliga-s avancuan për në finalen e Kupës. Si Vidal, ashtu edhe Pep Guardiola me Karl-Heinz Rummenigge, pas ndeshjes thanë se nuk ishte penallti, dhe si pasojë edhe arbitri ka dhënë një deklaratë për Kicker: “Ndodhi aq shpejt dhe isha në një pozicion të mirë. Unë pashë kontakt, por nuk kishte. Më vjen keq.”
