Policia e Pukës ka arrestuar një 31-vjeçar nga Fushë-Arrëzi me akuzën e “prodhimit dhe mbajtjes pa leje të armëve luftarake dhe municionit” .
Specialistët për Hetimin dhe Parandalimin e Krimeve bënë arrestimin në flagrancë të shtetasit, Pashk Ndreka, pasi gjatë kontrollit të banesës së tij pas informacioneve që kishin marrë në rrugë operative, kanë gjetur dhe sekuestruar në cilësinë e provës materiale një armë zjarri automatike Kallashnikov dhe një krëhër me 25 fishekë model 56.
Materialet i kaluan Prokurorisë së Rrethit Gjyqësor Pukë për veprën penale ” Prodhim dhe mbajtje pa leje e armëve luftarake dhe municionit”.
