Dukshëm i lumtur, por jo plotësisht i kënaqur, megjithatë trajneri i Suedisë, Janne Andersson feston kalimin në çerekfinalet e Kupës së Botës 2018, pas fitores 1-0 ndaj Zvicrës.
“Eshtë një ndjesi e jashtëzakonshme të qëndrosh në këmbë pranë stolit dhe të dëgjosh tifozët të brohorasin emrin tënd, por futbolli është një sport ekipor dhe kjo që unë drejtoj është një skuadër e mirëfilltë. Ne luajmë të gjithë për njëri-tjetrin dhe ky është sekreti. Jemi vëllezër brenda dhe jashtë fushës së lojës.”
Më pas Andersson vazhdon: “Duhet të rikuperojmë sa më parë energjitë, sepse të shtunën kemi një tjetër ndeshje të madhe. Jemi të kënaqur, por jo të lumtur plotësisht, sepse duam të fitojmë edhe në ndeshjen tjetër.”
