Askush nuk e kishte menduar që skuadra gjermane do të krisej me tifozët e tyre. Edhe në kohët më të këqija që skuadra ka përjetuar, nuk është gjendur asnjëherë pa mbështetjen e tyre. Por, në Frankfurt ajo u braktis nga shumica. Të jetë vetëm arsyeja e rezultateve të dobëta, shkaktari i krisjes.
Në fakt, është më shumë se aq. Tifozët kanë kuptuar se eliminimi nuk ka ardhur vetëm nga loja e dobët që ka zhvilluar skuadra, sidomos në ndeshjen e parë ndaj Meksikës dhe e fundit ndaj Koresë së Jugut. Sjellja e lojtarëve shumë herë e cilësuar si arrogante në intervistat pas ndeshjes.
Kros me shokë shumë herë gjenin fajin diku tjetër. Mats Humels tha se e ndiente veten i vetëm në repartin e mbrojtjes.
Ndërkohë, të shumtë ishin ata që kritikuan sulmin. Por, askush nuk e mori fajin përsipër dhe të mundohej të bënte diçka për të shpëtuar nderin e fanellës që mban të gdhendur katër yje, simbol i Botërorëve të fituar në fushë me pasion dhe krenari për tokën gjermane.
Çështja Ozil
Lojtari është edhe më i kritikuari, kjo për sjelljen jashtë fushe dhe paraqitjet e dobëta në dy ndeshje ku luajti si titullar. Ndeshja më e mirë ishte pa dyshim ndaj Meksikës ku qëndroi në pankinë.
Një marrëdhënie e ftohtë me mediat dhe tifozët ishte pasqyra e formës së tij të dobët fizike dhe mungesës së fantazisë në fushën e lojës.
