Një nga risitë e këtij Botërori ishte futja e teknologjisë dhe arbitrimi me ndihmën e VAR-it.
Drejtori i projektit të teknologjisë, Roberto Rosetti, drejtori i arbitrave të FIFA-s, Massimo Busacca dhe Presidenti i Komitetit të Arbitrave të FIFA-s, Pierluigi Collina dolën përpara mediave në stadiumin Luzhniki të Moskës dhe treguan rezultatet e VAR-it.
VAR-i ka kontrolluar 335 raste në 48 ndeshje. Nga këto, 14 vendime të arbitrit u ndryshuan, ku përfshihen 7 penallti të dhëna, 2 penallti të anuluara, 2 kartonë të kuq, 2 gola të dhënë në pozicion jashtë loje dhe një për gabim identiteti.
“Falë VAR-it, pas 48 ndeshjesh të këtij Botërori, nuk kemi asnjë skandal”, tha Collina.
