Policia e Tiranës, ka raportuar tre raste të referimit për procedim penal për kontrabandë, ndaj tre personave që shisnin duhanin e prodhuar prej vetë atyre.
Burime zyrtare të Policisë së Tiranës, bëjnë të ditur se dje, u referuan materialet në Prokurorinë pranë Gjykatës së Shkallës së Parë Tiranë, për E. K., vjeç 19, banues në Tiranë, Z. P., vjeç 64, banues në Bulqizë dhe Z. Ll., vjeç 56, banues në Bulqizë, pasi dyshohen se në Institut Bujqësor dhe në Kodër Kamëz, në anë të rrugës u kapën duke shitur duhan që dyshohet të jetë kontrabandë. Nenet 178, 179, 180, 181 dhe 149/a të Kodit Penal.