Granit Xhaka dhe Xherdan Shaqiri, dy futbollistët shqiptare që shënuan golat e fitores ishin padyshim heronjtë e Zvicrës ne ndeshjen me Serbinë.
Pas golave, të dy shqiptarët festuan me shqiponjë, duke ngritur peshë zemrat e cdo shqiptari.
Pas ndeshjes Xhaka ka shpërthyer në lot nga gëzimi ndërkohë që ka rrëfyer edhe emocionet e ndeshjes.
“Emocione të pastra,të paimagjinueshme, cfarë të them.Sot është një ditë e madhe. Për mua sigurisht që është një ndeshje e vecantë.Kam marrë mesazhe nga shumë njerëz, nga familja në Zvicer, nga Kosova dhe Shqipëria.Fitorja i dedikohet familjes sime që më ka mbështetur gjithmonë.”
“Festimi nuk ishte një mesazh për kundërshtarin, megjithëse nuk më intereson shumë kjo pjesë.Si festim ishte për njerëzit që më kanë mbështetur gjithmonë dhe nuk më kanë lënë të dorëzohem. Për atdheun tim ku ka rrënjët familja ime.”
