Media serbe vazhdojnë të provokojnë me çdo lajm që nxjerrin rreth ndeshjes së Serbisë me Zvicrën. Kjo ndeshje ka tërhequr vëmendje për shkak të 4 lojtarëve shqiptare që priten të luajnë në formacion me “helvetikët”.
Media kontroverse ‘Alo.rs’ ka bërë një veprim të pamatur duke i veshur Behramin dhe Shaqirin me veshje tradicionale serbe. Kjo medie po ashtu raporton se tifozët serbë dhe ata rusë janë bërë bashkë për këtë ndeshje, ku do të këndohen edhe kore raciste ndaj këtyre dy futbollistëve.
“Janë marrë vesh që pandërprerë t’i brohorasin Shaqirit dhe Behramit lojtarë serbë: “Valone, Srbine” i “Džerdane, Srbine”, shkruan ‘Alo’.
