Qindra qytetarë u mblodhën në sheshin “Skënderbej” në Tiranë, në ditën e 55-të të protestës popullore, për të kërkuar largimin e qeverisë dhe ndryshimin e klasës politike.
Pas grumbullimit në shesh, protestuesit marshuan përgjatë bulevardit “Dëshmorët e Kombit” drejt godinës së Kryeministrisë, ku vijuan me fjalimet dhe mesazhet e tyre kundër qeverisë.
Me flamuj kombëtarë, pankarta dhe parulla, qytetarët përcollën thirrje për ndryshim politik, duke deklaruar se “i ka ardhur fundi” politikës së vjetër shqiptare.
