Reprezentuesi i Portugalisë, me golin e tij sot theu rekordin 62 vjeçar të sulmuesit hungarez, Ferenc Puskas, për më së shumti gola të shënuar me kombëtare në shtetet e Evropës.
Legjenda e Hungarisë dhe Real Madridit kishte shënuar 84 gola në vetëm 89 ndeshje të zhvilluara me Hungarinë, ndërsa një tjetër legjendë e Real Madridit, Cristiano Ronaldo ka arritur ta thyejë këtë rekord në 152 ndeshje të zhvilluara.
Pas ngjitjes në vendin e parë në listën e golashënuseve evropianë, Ronaldo është në vendin e dytë në listën botërore, vetëm pas sulmuesit iranian Ali Daei, i cili ka shënuar 109 gola në 149 ndeshje mes viteve 1993 dhe 2006.
