Prej më shumë se 6 orë, rreth 100 drejtues kamionësh dhe automjetesh që ndodhen ne tragetin e linjës Durrës – Bari kanë mbetur të bllokuar në portin e Barit.
Mësohet se bëhet fjalë për një defekt në rampën e brendshme të tragetit të kompanisë GNV Blu, i cili pritet të rregullohet nga teknikët specialistë.
Prej 3 orësh specialistët janë njoftuar dhe pritet mbërritja e tyre nga momenti në moment, teksa problematika pritet të marrë zgjidhje gjatë pasdites.
Pasagjerët e tjerë që udhëtuan me këtë traget kanë zbritur pas mbërritjes rreth orës 08:00 të mëngjesit, por në traget janë bllokuar vetëm ata pasagjerë që kanë udhëtuar me mjete.
