Kryeministri Edi Rama ka pritur në ambientet e Kryeministrisë reperin amerikan Kanye West, i cili do të performojë mbrëmjen e sotme në Tiranë.
Takimi u bë publik nga vetë Rama përmes një videoje të postuar në rrjetet sociale, ku shfaqet duke i prezantuar artistit ambientet e Kryeministrisë, përfshirë zyrën e tij, sallën e mbledhjeve, oborrin dhe hapësira të tjera të godinës.
Në takim ishte i pranishëm edhe ministri i Turizmit dhe Kulturës, Blendi Gonxhja.
Gjatë vizitës, kreu i qeverisë i dhuroi Kanye West librin “The Albanian Files”, të redaktuar nga Anneke Abhelakh, një botim që prezanton projektet e 60 studiove ndërkombëtare të arkitekturës që punojnë në Shqipëri.
Botimi, me më shumë se 750 faqe, përfshin punën e studiove ndërkombëtare të arkitekturës që kanë realizuar projekte në Shqipëri.
Botimi paraqet një qasje ku vendimmarrja për projektet e mëdha është përqendruar te kryeministri, duke e krahasuar me një model qeverisjeje personale.
Postimi i Ramës u shoqërua me një këngë të Kanye West dhe me simbolin e pesë yjeve, një detaj që është interpretuar si një ironi ndaj fushatës së vlerësimeve me një yll në Google Reviews, e cila ka prekur disa biznese turistike gjatë protestave të fundit.
Koncerti i Kanye West në Tiranë ka ngjallur debat publik, pasi financimi i tij nga qeveria është kritikuar, e cila ka akuzuar ekzekutivin për përdorimin e fondeve publike për organizimin e eventit.
