Mijëra qytetarë u mblodhën para Kryeministrisë, për të protestuar kundër qeverisë së Edi Ramës.
Pas fjalimeve, qytetarët vijuan si çdo natë me marshimin në Tiranë teksa ata kaluan nga rruga e Kavajës.
Gjatë ecjes bënin thirrje për arrestimin e Ramës dhe Berishës, duke shtuar se Shqipëria është e rinisë, jo e partisë.
Protestuesit, të ardhur nga qytete të ndryshme të vendit, u mblodhën sot në bulevardin “Dëshmorët e Kombit”, duke mbajtur pankarta dhe duke artikuluar thirrje kundër qeverisë.
Në qendër të kërkesave të tyre largimi i kastës së vjetër politike dhe kreut të qeverisë Edi Rama.
“Politikanët e zhytyr në korrupsion nuk na përfaqësojnë ne, Edi Rama oa tradhtar me Shqipërinë mos bëj Pazar, Shqipëria kërkon revolucion”, ishin këto disa thirrjet e qytetarëve ditën e sotme.
Po ashtu ata ripërsëritën sloganet “Rama, dorëhiqu!”, “Poshtë qeveria!” dhe “Shqipëria është e qytetarëve”.
