Autoritetet gjermane kanë arrestuar një 29-vjeçar shqiptar në autostradën A7, pranë Dietmannsried në Gjermani. Gjatë kontrollit të automjetit ata gjetën dhe sekuestruan disa pako me kokainë të fshehura në një skutë profesionale.
Mediat gjermane shkruajnë se 29-vjeçari kishte gjithashtu me vete një shumë parash në dorë, në vlerën e disa qindra eurove. Automjeti, droga dhe paratë u sekuestruan nga autoritetet.
Gjyqtari lëshoi urdhër-arrest dhe vendosi ekzekutimin e tij, ç’ka do të thotë se 29-vjeçari ndodhet në paraburgim.
