Nuk kanë qenë vetëm meksikanët ata që kanë qenë shumë të shpejtë për formacionin e Gjermanisë në ndeshjen e parë të botërorit.
Gjatë golit të shënuar nga Hirving Lozano në minutën e 35-të, edhe arbitri iranian Alireza Faghani ka vrapuar më shpejtë se mbrojtësi i djathtë Joshua Kimmich në drejtim të portës gjermane.
Këtë e kanë vërtetuar pamjet e stacionit ZDF.
Pas topit të humbur në mesfushë nga Sami Khedira, Meksikanët kombinojnë bukur dhe shpejtë në mesin e fushës përpara se topi të niset drejt Lozano-s i cili ishte duke vrapuar me 29 km/orë.
Ndërkohë Kimmich vraponte vetëm me 17 km/orë, madje më vonë vetëm me 14,6 km/orë.
Edhe arbitri Faghani ka vrapuar më shpejtë me 22 km/orë për të ndjekur aksionin.
Por duhet thënë se Kimmich përpara se të merrte topin Meksika ishte duke vrapuar me shpejtësi në sulm për të ndihmuar shokët e tij.
