Në ndeshjet e fundit të grupeve, Zvicra dhe Kanadaja po përballen në një duel direkt për vendin e parë në Grupin B, ndërsa të dyja skuadrat kanë hyrë në fushë me nga 4 pikë dhe një barazim do t’u siguronte kualifikimin të dyja përfaqësueseve.
Sfida e zhvilluar në Vankuver nisi me ritëm të lartë, ku Zvicra kërkon të marrë kreun e grupit përmes një fitoreje, ndërsa Kanadaja mban aktualisht vendin e parë për shkak të golaverazhit.
Në minutën e 46′ Ruben Vargas kaloi Zvicrën në avantazh kundër Kanadasë.
Në të njëjtën kohë po luhet edhe përballja mes Bosnje-Hercegovinës dhe Katarit, një ndeshje po aq vendimtare për fatin e kualifikimit.
Bosnja kaloi e para në avantazh me golin e Alajbegovic, ndërsa më pas Al Brake shënoi autogol duke dyfishuar rezultatin për ballkanasit. Katari reagoi në minutat e fundit të pjesës së parë me Al Haydos, i cili ngushtoi diferencën.
Të dyja përballjet mbeten vendimtare për renditjen përfundimtare në grup, ku çdo rezultat mund të ndryshojë kualifikimin në fazën tjetër.
