Luka Modriç do të arrijë sonte një tjetër moment historik në karrierën e tij , teksa pritet të luajë ndeshjen e 200-të me kombëtaren e Kroacisë në sfidën ndaj Panamasë në Kupën e Botës 2026.
Në moshën 40-vjeçare, mesfushori legjendar vazhdon të jetë lideri i kroatëve dhe një nga futbollistët më të respektuar në botë.
Me këtë paraqitje jubile, ai renditet mes lojtarëve me më shumë ndeshje ndërkombëtare në histori, ndërsa mes futbollistëve aktivë vetëm Lionel Messi dhe Cristiano Ronaldo kanë më shumë grumbullime me kombëtaret e tyre.
Modriç debutoi me Kroacinë në vitin 2006 dhe që atëherë ka marrë pjesë në pesë Kampionate Evropiane dhe pesë Kupa Bote, duke udhëhequr ekipin drejt vendit të dytë në Botërorin 2018 dhe vendit të tretë në vitin 2022.
Përveç suksesit me kombëtaren, ai mbetet edhe futbollisti më i titulluar në historinë e Real Madridit me 28 trofe të fituar, ndërsa në vitin 2018 fitoi edhe Topin e Artë.
Sot, ndaj Panamasë, Modriç feston një tjetër rekord që e konfirmon si një nga ikonat më të mëdha të futbollit modern.
