Një punonjës i OSHEE-së është arrestuar nga Policia e Lezhës, pasi akuzohet për veprën penale të vjedhjes. Në pranga është vënë shtetasi Ervin Kodra, përgjegjës i OSHEE-së për Mirditën.
Mësohet se ai u kap nga efektivët e policisë teksa ishte duke nxjerë nga bregu i lumit një mjet që ishte denoncuar i vjedhur në Korçë. Ndërsa targat e mbivendosura në të ishin të vjedhura në Elbasan.
Ai ka pohuar se mjeti i kishte ngecur aty, por pa dhënë deklarime për mënyrën apo sesi makina e vjedhur, njëherazi edhe targat e mbivendosura po të vjedhura kishte rënë në duart e punonjësit të OSHEE-së.
Pretendimet e tij se makina i kishte ngecur në lumë janë të pa besueshme për grupin hetimor, ndërsa është duke u hetuar nëse ky mjet është përdorur ose jo në ndonjë ngjarje kriminale.
Ndërkaq, grupi hetimor po vijon punën për sqarimin e plotë të rrethanave.
