Edhe diaspora shqiptare i është bashkuar simbolikisht protestës që po zhvillohet prej 12 ditësh radhazi, duke treguar mbështetjen për qytetarët e mbledhur në Tiranë.
Çdo ditë, mijëra protestues dalin në shesh duke kërkuar dorëheqjen e kryeministrit Edi Rama dhe largimin e qeverisë.
Një nga momentet më domethënëse të protestës së sotme ishte vendosja e dy karrigeve me mbishkrimet “Ikur në Angli”, “Ikur në Belgjikë”, “Ikur në Austri” dhe “Ikur në Gjermani”, si simbol i mijëra të rinjve që kanë emigruar dhe nuk mund të jenë fizikisht në protestë për të shprehur qëndrimin e tyre.
Para Kryeministrisë, protestuesit vijuan me thirrje kundër qeverisë, ndërsa atmosfera u shoqërua me slogane dhe pankarta të ndryshme.
