27 vjeçari me iniciale O.M, pasi ka debatuar ashpër me të fejuarën e tij i ka vënë fillimisht zjarrin 2 makinave të kunatës së tij. Më pas janë gjendur mes flakëve edhe 2 makina të tjera që ishin ngjitur.
Ngjarja ka ndodhur rreth orës 02.40 në Unazën e Re në Tiranë, ku shkaku është hakmarrja e të riut ndaj të fejuarës së tij. Makinat që janë djegur plotësisht janë një Nissan dhe një Opel, në pronësi të A. A 32 vjeç, si dhe janë dëmtuar pjesërisht dy mjete të parkuara pranë tyre.
Burimet zyrtare bëjnë të ditur se autor i kësaj ngjarjeje është O. M 27 vjeç. Ai ka qënë i fejuari i motrës së 32-vjeçares, me të cilën ka një konflikt prej disa kohësh.
Policia sqaron se objektivi i këtij shtetasi kanë qënë shkatërrimi i automjetit të shtetases A. A., dhe të bashkëshortit të saj, dy mjetet e tjera të përfshira në dëmtim ka ardhur si pasojë e përhapjes së flakëve.
