Personi që shikoni në foton e mësipërme është, Gerald Biba, i njohur si Geri, i cili u përfshi në episodet e dhunës një ditë më parë, gjatë protestës në Zvërnec.
Biba është punonjës i kompanisë private “Major Security”, e kontraktuar nga kompania “Zvërnec South Adriatic Development”, e cila po ndërton resortin në zonën e mbrojtur në Vlorë.
Sipas pamjeve të bëra virale në rrjet, Biba dyshohet se ka goditur me grushte dhe ka tërhequr zvarrë një protestues. Lidhur me ngjarjen policia njoftoi ditën e sotme se ka arrestuar Bibën, pasi akuzohet për veprat penale “Heqja e paligjshme e lirisë” dhe “Plagosja e lehtë me dashje”.
Po ashtu, Biba njihet edhe si ish-truproja e reperit Noizy. Emri i tij është bërë menjëherë objekt diskutimi në rrjetet sociale për shkak të profilit të njohur publik.
LEXO EDHE:
