Gjatë ditës së sotme u njoftua se ylli i filmit “Dirty Den” Leslie Grantham ka ndërruar jetë në moshën 71- vjeçare. Ylli televiziv Grantham, ishte kthyer së fundmi në Britani të Madhe për trajtim mjekësor , pasi prej shumë vitesh jetonte në Bullgari.
Në një deklaratë përfaqësuesi i tij tha: “Ne shpallim zyrtarisht humbjen e Leslie Grantham, i cili ndërroi jetë sot në orën 10.20 të mëngjesit, më 15 qershor 2018. Ish-bashkëshortja dhe djemtë e tij kanë kërkuar që privatësia e tyre të respektohet në këtë periudhë të vështirë”.
Grantham ishte vizituar nga disa miq të ngushtë nga bota e televizionit pak javë para vdekjes dhe disa prej tyre kishin thënë se aktori kishte kancer terminal.
Vdekja e tij u njoftua në të njëjtën kohë që Anita Dobson, gruaja e tij po ndiqte shërbimin përkujtimor për një nga miqtë e saj, profesor Stephen Hawking.
Grantham ka tre fëmijë, Spike 31 vjeç, Jake 29 vjeç dhe Danie, 23 vjeç, me ish-bashkëshorten e tij, Jane Laurie, me të cilën ai ishte i martuar për 31 vite.
Agjenti i tij tha gjithashtu se do të bëhet një varrim privat, i cili do të ndiqet vetëm nga familja dhe miqtë e ngushtë. Shumë prej miqve të famshëm e nderuan aktorin veteran në rrjete sociale menjëherë pas njoftimit të vdekjes së tij.
