Ervis Çela i “Shqipëria Bëhet” deklaron se vullneti që po shohin nga mazhoranca është thjesht të caktohet kukulla e radhës” në krye të Bashkisë së Tiranës.
“Është lajm i mirë nëse ka garë dhe ka kandidatë. Kjo është dëshira jonë, që në krye të Bashkisë Tiranë të caktohet një administrator i mirë qyteti. Por, vullneti që ne shohim nga mazhoranca është thjesht të caktohet kukulla e radhës”, u shpreh Çela.
Sipas tij, nëpër bashki “janë persona të vendosur politikisht, me idenë e trampolinës për më tej”.
“Ne shpresonim në një debat, që kush duhet të kandidojë. Jo të shkojë një politikan karriere, që është ushtar i bindur, dhe të jetë i vetëm si kandidadurë për Bashkinë e Tiranës”, shtoi Ervis Çela në “Terminal” në A2CNN.
