Kryetari i Partisë Demokratike, Sali Berisha, e cilësoi reformën territoriale si një ndër goditjet më të rënda ndaj interesave të qytetarëve shqiptarë dhe zhvillimit të vendit.
Sipas Berishës, mënyra se si është zbatuar kjo reformë përbën një model të paprecedentë, sidomos duke marrë parasysh karakteristikat gjeografike të vendit.
Ai theksoi se Shqipëria është një vend ku rreth 75–80% e territorit është malor dhe kodrinor, por pavarësisht kësaj, është aplikuar një model që, sipas tij, nuk gjendet as në vendet më të sheshta të botës.
“Reforma apo shkatërrimi që iu bë qeverisjes vendore pas ardhjes në pushtet të partisë së krimit është një nga goditjet më të rënda që iu dha interesave të qytetarit shqiptar, që iu dha zhvillimit të vendit në mënyrën më absurde që shkon deri në një krim kombëtar.
Në Shqipëri, vendin që rreth 75-80% të territorit të saj e ka malor dhe kodrinor u vendos një model që nuk ekziston gjëkundi, as në vendet më të sheshta të botës. Pra, ky vend me territorin më malor u vendos në një model të fshirjes së popullatës nga këto territore.
Sot që kryeinjoranti dhe jo vetëm kryeinjorant, por është edhe armik që bëri këtë reformë, zbaton Paketën e Maleve në Maminas, sepse aty ku ka male nuk ka banorë, ose ka shumë pak. Nuk ka vlerë investimi.
Antireforma që iu bë qeverisë vendore kishte dy kritere themelore, vjedhjen dhe votën, votën dhe vjedhjen. U shuan me një të rënë të lapsit me dhjetarë komuna dhe bashki kundërshtarë dhe u bënë ndarë të tilla ku në një korpus 1 mln banorë ka vetëm 4 njësi të qeverisë vendore dhe një një korpus tjetër me 120 mijë banorë ka 7 njësi të qeverisjes vendore. Krahasimi është Tirana dhe Gjirokastra”, tha Berisha.
