Policia e Kosovës ka arrestuar ditën e sotme një të ri shqiptar i shpallur në kërkim nga autoritetet e Danimarkës.
Në pranga ka rënë 27-vjeçari Liridon Fetahi, i cili sipas raportimeve ishte shpallur në kërkim ndërkombëtar nga autoritetet daneze për përfshirje në dy raste të rënda kriminale, përfshirë vrasje dhe lidhje me një bandë kriminale.
Fetahi akuzohet për dy ngjarje që datojnë në prill dhe nëntor të vitit 2020. Në rastin e parë, në prill, një person u qëllua për vdekje në një parking publik. Ndërsa në nëntor, gjatë një sulmi me armë zjarri, tre persona mbetën të plagosur, ku dy prej tyre më pas humbën jetën si pasojë e plagëve të marra.
Autoritetet pritet të vijojnë procedurat ligjore në lidhje me ekstradimin e të arrestuarit drejt Danimarkës.
