Kreu i grupit parlamentar të opozitës, Gazment Bardhi, në një postim të fundit në rrjetet sociale, ka reaguar ndaj leximit të raportit të Partisë Socialiste nga Ulsi Manja për mosdhënien e autorizimit për arrestimin e Belinda Ballukut.
Bardhi thekson se Manja ndodhet në një konflikt interesi me dosjen Balluku, duke përmendur ndërhyrjet e tij për licenca në kundërshtim me ligjin si pjesë të dosjes që po hetohet.
Në postimin e tij, Bardhi ngrit pyetje të drejtpërdrejta për Manjën: “A e njeh Paulin Rajta dhe a ke ndërhyrë tek Belinda Balluku për përfitimin e një HEC-i në qarkun Dibër?” – duke i bërë thirrje publike për përgjegjësi dhe transparencë.
Sipas opozitës, ky është një tjetër moment që ilustron nevojën për llogaridhënie dhe për një qeverisje të pastër, larg praktikave të favorshme dhe ndikimeve të dyshimta.
