Sekretariati për Procedurat, Votimin dhe Etikën do të mblidhet nesër për të vendosur nëse deputeti Agron Shehaj do të përjashtohet apo jo për 20 ditë.
Mbledhja që ishte parashikuar të zhvillohej sot është shtyrë për ditën e nesërme në orën 09:00.
Në kërkesën e saj, PS thekson se Shehaj ka vijuar të mbajë të bllokuar foltoren edhe pasi i kishte përfunduar koha e caktuar për fjalën.
“Pas mbarimit të afatit 2-minutësh, deputeti Agron Shehaj nuk u largua nga foltorja, duke e penguar zhvillimin normal të seancës dhe duke vepruar në kundërshtim me Rregulloren e Kuvendit”, thuhet në shkresë.
