Kreu i Shqipëria Bëhet, Adriatik Lapaj, po zhvillon pasditen e kësaj të enjte një takim me qytetarët e njësive administrative Sauk dhe Farkë në Tiranë.
Në fjalën e tij për të pranishmit, Lapaj u shpreh se për të rrëzuar regjimin aktual duhet forca e bashkimit, ndërsa ftoi të gjithë qytetarët të bëhen pjesë e protestave para Kryeministrisë, për largimin e Edi Ramës.
“Janë disa gjëra që ne jemi të dënuar të bëhemi bashkë për ti ndryshuar. Jemi të dënuar të bashkohemi për të ndërtuar shkolla të mira., rrugë të mira, spitale të mira. Ndaj është i nevojshëm organizimi, për të ndërtuar ato që të vetëm nuk mund ti ndërtojmë”,- është shprehur Lapaj ndër të tjera.
