Devijimi i qarkullimit të mjeteve që transportojnë mallra ka shkaktuar trafik të rënduar në doganën e Bllatës.
Pas shembjes së segmentit rrugor në Librazhd, i cili ka bllokuar kalimin përmes Qafë-Thanës, lëvizja është devijuar drejt doganës së Balltës, që lidh Shqipërinë me Maqedoninë e Veriut, por kjo ka shkaktuar fluks dhe radhë të gjata të automjeteve.
Sipas raportimeve kolona e kamionëve që vijnë nga Greqia, Bullgaria, Turqia dhe Maqedonia e Veriut ka arritur deri në 4 kilometra dhe kjo ka ndodhur për shkak të kapaciteteve të kufizuara doganore dhe rrugëve të ngushta që nuk mund të përballojnë këtë fluks të madh.
Devijimi i qarkullimit u njoftua një ditë më parë nga Drejtori i Përgjithshëm i Doganave, Besmir Beja, i cili u shpreh se, lëvizja e mallrave do të orientohet përmes pikave kufitare të Bllatës (për hyrjet nga Maqedonia e Veriut) dhe Kakavijës (për hyrjet nga Greqia).
Ndërsa për mallrat e bllokuara në Qafë-Thanë, sipas tij, do të aplikohet regjimi i Transitit të Jashtëm (T1), që lejon devijimin drejt Bllatës edhe pse kjo situatë sjell kosto shtesë për bizneset.
LEXO EDHE:
Izolimi i juglindjes/ Devijohet transporti i mallrave në kufi, si do kryhet lëvizja e mjeteve
